廣告攻防戰

有留意開廣告既人，有時可能都會有咁既感覺 "個廣告咁有骨既！？"　

冇錯，而家越黎越多既廣告都以攻擊行業對手為目的，將對手既廣告講成有 "誤導觀眾"　之嫌，再加以精警對白，令觀眾上腦，再加上自家闡釋，洗清觀眾mindset.

近期串爆惠氏的雅培廣告最為廣泛討論：
（雅培便便係好基本既事　VS  惠氏BB便便暢通）

而2010年，屈臣氏亦開始以打格仔方式擺明串Bonaqua：
(Watsons　明串 Bonaqua mineral water　冇煲過）

物流界都不遑多讓，FedEx串DHL：
（託運冇需驚險情節，串DHL較早前的廣告i.e.在warehouse有carton box 倒塌）

其實一支好廣告冇需要去踩人地，可能客戶同agency會好興奮因為行家們一定議論紛紛，但又有幾多corporate或consumer會因為咁而改變 brand perception呢？這個不得而知。但本人怎也看不出這低俗既技倆會引起buying decision既改變。


值得一讚既係Bonaqua冇再反擊Watsons，而以可扭埋個樽＋環保概念轉移視線，并引起貪新鮮貪玩既香港人興趣，這趟擋得漂亮。

Brand building 的誤點

前一陣子，港鐵“維修先鋒”廣告出街，大打溫情牌。剛甫出既時候，唔多唔少都俾佢打動到。心諗呢次既 brand building，港鐵做得唔錯。起碼俾上次既 “唔好意思” 更impressive。呢個廣告仲可以分散港鐵加價既焦點。

不過，斷估港鐵點都諗唔到，條片播出後，接二連三發生小故障＋西鐵重大既電力故障，同廣告片賣既 “通宵檢查維修，check清楚晒先出車”撼到正一正，少不免會破壞brand image，浪費條片。


Brand building 係一項 long-term既投資，亦相當倚賴品牌既產品或者服務要有consistent既質素保證。每一個品牌都應該要知道最易惹起consumer反感既地方，從而建立品牌時就要避得就避，如果唔條就好似港鐵咁踩鋼線，賣辛苦、博同情、博好感，結果唔需要多講。


譬如航空公司，客人最介意應該係flight delay，而呢一樣野係好難控制同避免，所以airlines通常都係sell服務質素、民族特色或者品牌理念, 而唔會sell自己點樣辛苦去為你服務。Emirates就係一個好例子。

大家幫客度橋時，不防諗下個客有咩risk會破壞個brand，以免好似港鐵咁得不償失。

雙非廣告人

第一帖，先同大家講個故事。

某一年，一個工程系學生，討厭工程，By elimination同病態性attention seeking既情況下，佢知道自己係屬於 Marketing/PR 既舞台。畢業後，顫顫驚驚遞信去各大廣告公司，應徵 Account Executive (AE)。冇Marketing background，冇參加過Marketing/Adv比賽，咁既履歷，一封封平平無奇又冇selling point既求職信當然石沉大海。

那一年，他放棄了國際三大物流公司之一既職位，毅然投身 Design House 的AE，為既，係鋪路。

這一年，他遇到信任他既伯樂，憑著passion，正式踩入廣告界。


非 Business 畢業生，非擁有相關工作經驗（offer卻高於廣告界AE市場價），這位雙非新晉廣告人，就是小弟


達倫。


A motto for you: Nothing can be done without hope and confidence.